Nannunniartitsisalernissaq qineqqusaarutinngorpoq
Tammajuitsussarsiniarluni nannunniartitsisoqartalissava imalt. naamik? Apeqqut tamanna Folketingimut nunatsinni qinneqqusaarutinut ilannguppoq.
Jørgen Birger Jensen (A) isumaqarpoq takornarianut nannunniartitsisalernissamik naalakkersuisut pilersaarutaat piniartut aningaasarliornerannut ajutoorutaaginnassasoq.
-Piniarnermut aalisarnermullu pisinnaatitaaffiit maanna annikillisarneqarput, naalakkersuisulli suaartaatigigaluarpaat nunap inuiisa pisinnaatitaaffeqarnerat soorlu arfanniarsinnaanermut pisinnaatitaaffiit matumani eqqarsaatigalugit, Jørgen Birger Jensen oqarpoq.
Per Berthelsen (D) isumaqarpoq takornariat qassinik nannussinnaanissaat piniartut namminneq aqussinnaassagaat, soorunami pisassiissutigineqartut iluini. Aamma oqarpoq qinigaassaguni tamanna pillugu folketingimi paasinnittoqarnerunissaa anguniarlugu sulissuteqassalluni.