Takornarianut nannunniartitsisarnissami piniartut qanoq takornariartitsisutut sullississarnissaat pillugit Qaanaami piniartut pikkorissartinneqassapput.
- Massakkut takornarianik piniartitsisartut oqaatigaat piniariarusuttartunik amingaateqanngitsoq. Ukiamut Qaanaap kommunea suleqatigalugu piniartitsisartussanik pikkorissaassaagut, Greenland Tourismimi siunnersorti Mads Skifte oqarpoq.
Takornarianik nannunniartitsisalernissaq pillugu Naalakkersuisut suliniuteqarneri takornariartitsivimmi nuannaarutigineqarpoq.
- Malunnarpoq piniartut akornanni takornariaqartitsineq eqqarsaatigalugu piareeraluttuinnarluta. Taamaattumik taamatut pilersaarusiortoqarnera nuannaarutigaarput, Mads Skifte oqarpoq.