Nannunniartarnerup killilersorneqalernissaa pillugu ataatsimiinnissaq kinguartinneqarpoq
Allattoq Carla Davidsen
aggustip 26-at 2005 11:49
Nannut piniagaanerisa killilersorneqarnissaat pillugu atorfilittat nunatsinneersut Canadameersullu aggustip ingerlanerani ataatsimiittussaagaluarput.
Ataatsimiigiaqqusissummulli Canadamiut akissuteqarneq ajormata, Namminersornerullutik Oqartussani Piniarnermut Aalisarnermullu Pisortaqarfik aalajangerpoq taama ataatsimiinnissaq aatsaat Inatsisartut ataatsimeereernerisa kingorna pisinnaasoq, tassalu novemberimi decemberimiluunniit.