Tapiissuteqarneq nannut amiinik Nunatta Ammerivianut tunisaqarnerulernermik kinguneqassasoq, politikerit naatsorsuutigaat.Assi: Andreas Østergaard/KNR

Nannunnianut tapiineq: Namminersorlutik Oqartussat aningaasartuutinut tapiissuteqartalerusuttut

Nannut amiinik ammerinermut aningaasartuutit affaasa akilerneqartalernissaannut siunnersuut Inatsisartunit akuerineqartussanngorpasippoq. Tamanna nannunniat aningaasaqarannut iluaqutaasinnaavoq.

Nannunniat Inatsisartunit taperserneqartussanngungajalerpasipput.

Nannut amiinik ammerinermut aningaasartuutit affaasa Namminersorlutik Oqartussanit akilerneqartalernissaannik siunnersuut ilaatigut Siumumit, Inuit Ataqatigiinnit aamma Partii Naleqqamit taperserneqarpoq. Partii Nalerarlu tamatumunnga siunnersuuteqartuuvoq. 

Tamanna nannunniat nannuttamik amianik assartuinermut ammerinermullu akissaqarnerulernissaannut iluaqutaasinnaavoq. 

AAMMA ATUARUK Optællingsprojekt af isbjørne i Østgrønland udsættes

Nannut amii nunani tamalaani maannakkorpiaq niuerutigineqaqqusaanngillat. Tassa imaappoq, nannut amii nunatsinniinnaq niuerutigineqaqqusaapput, tamannalu nannunniat aningaasiviinut eqquivoq.  

Siunnersuut akuerineqassaguni nunatta karsianut ukiumut 85.000 koruuninik akeqassaaq.   

Nannunniarneq amiisalu niuerutigineri kulturitsinni pingaarutilinnut ilaasoq nannunniarnermillu inuussutissarsiutillit taperserneqarnissamik pisariaqartitsisut, Jens Napaattooq Partii Naleqqameersoq isumaqarpoq.

- Nunatta karsia tamatumunnga aningaasartuuteqangaarnavianngilaq, tamannali nannunnianut ataasiakkaanut ajornartoorfimmi iluaqutaasinnaaqaaq, Jens Napaattooq Inatsisartunut siunnersuummini allappoq.

Demokraatit siunnersuut akerleraat. Nannunniat nannuttamik amiinik tunisinerminni maanna akilerneqarluartareermata tapiiffigineqartarnissaat Demokraatit pisariaqarsorinngilaat.

Nunatta Ammerivia nannut amiinik ukiumut 20-t 30-llu akornnaniittunik tunitsiviusarpoq. Tapiissuteqarneq taakku amerlinerannik kinguneqassasoq, politikerit ilimagaat.

Siunnersuut Inatsisartuni ataasinngornermi maajip ulluisa 25-anni aappassaaneerneqassasoq ilimanarpoq. Taanna uani atuarsinnaavat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat