Nannunik Qeqertaalummeersunik avammut tunisineq inerteqqutaalerpoq
Nannuninngaaneersunik avammut tunisisarnerup inerteqqutaalernissaa Canadami avatangiisinut ministereqarfiup eqqissivilluni sulissutigisimavaa. Avammut tunisinissamik inerteqquteqarneq januaarip ulluisa aallaqqaataanniit atulerpoq.
januaarip 25-at 2010 04:14
Canadap avannarpasissortaani radioqarfik, CBC North, ilisimatitsivoq, nannut amii, kukii, saarngisa ilaat, niaquisa saarngi Qeqertaalummeersunik avammut tuniniaqqusaajunnaartut. Nannut Canadap sinnerani pisarineqarsimasut tuniniarneqarnissaat inerteqqutaanngilaq.
qeqertaalummi nannut amerlassusaat Naggueqatigiit Inuit piniartortaasa ilisimatuulli sivisuumik assortuussutigererpaat, piniartummi isumaqarput nannut ikiliartoratik amerliartortut.
Taamatut inerteqquteqalerneq piniartunut aningaasarpassuarnik annaasaqarfiussaaq, nannuttatimmi USA-mut Europamulluunniit taakku tuninerusarpaat, pisisartullu paasigunikku nannut amiinik saarnginilluunniit angerlaassisinnaajunnaarsimallutik, Qeqertaalummukarusugunnaassammata.
