Nannunik missuinermi kukkuluttornerit kanngunartut

Charles Monnett nannut pillugit ilisimatusarnikuusoq, ukiut tallimat matuma siorna, nutaarsiassaqartitsivinni annertuumik sammineqarpoq paasisimagamiuk nannut amerliartuinnartut immami ipillutik toqusartut. Tatigisaalluartoq bioluugi Charles Monnett, Obamap allattoqarfianit peersitaasimasoq nutaarsiassaqartitsivik nyhedsbureauet AP-imit allaaserineqarpoq.

Taamaalilluni USA-mi ilisimatusarnerup ingerlanneqarnera, kusanaatsuliorfigineqarpoq.

Charles Monnett-p ilisimatusarnermini, paasisaa malillugu, tassa nannut amerliartuinnartut ipillutik toqusartut, USA-mi silaannaap allanngoriartornera pillugu, oqallinnermik aallartitsivoq.

Monnett sooq atorfimminiit tunuartitaasimanersoq, suli paasineqanngilaq. Ilimagineqarlunilu ukiut tallimat matuma siorna issittumi uumasoqatigiit pillugu allaaserisaa peqqutaasoq suliffimminiit tunuartitaaneranut. Monnett-p allaaserisaanut aamma ilaavoq,  issittumi misiliilluni uuliasiorniarneq. Taamaalillunilu Monnett uuliasiorluni suliffeqarfinniit nuannarineeruppoq, akeqqatullu isigineqalerluni.