Nannunik illersuineq piniarnerlu pillugit nalunaarusiaq nutaaq Naalakkersuisut akuersissutigaat

Nanuaqqat nannullu arnavissat piaqqaminnik ingerlaqatillit tamarmik oktoberip 15-at aallarnerfigalugu eqqissisimatitaalissapput.

Nannunik illersuineq piniarnerlu pillugit nalunaarummi nutaami allannguutit taanna pingaarnersaraat, nalunaarut taanna Naalakkersuisut ippassaaninnguaq akuersissutigaat.

Nanuaqqat nunatsinnit aamma anninneqarsinnaajunnaassapput. Piffissaq eqqissisimatitsiffiusoq suli tassaassaaq julip ulluisa aallaqqaataanniit augustip ulluisa 31-iat tikillugu, nannut tamarmik, maannalu aamma tassa nannut arnavissat, piffissami tassani eqqissisimatinneqartassallutik. Illoqqortoormiunili aamma Ammassallip Kommuniini augustip ulluisa aallaqqaataanniit septemberip ulluisa 30-iata tungaanut eqqissisimatitsisoqartassaaq. Piffissaq eqqissisimatitsiffiusoq nannunut tamanut atuutissaaq – maanna aamma angutivissanut kisermaanut.

Allannguut pingaarutilik alla tassaavoq januaarip ulluisa aallaqqaataat aallarnerfigalugu pisassiissuteqartoqartalernissaa. Nunat tamalaat isumaqatigiissutaat tunngavigalugit pisassiissutit aalajangersarneqartassapput, aamma Piniarneq pillugu Siunnersuisoqatigiinnik tusarniaaneq tunngavigalugit. Pisassiissutit ilaannik akiliisitsilluni piniartitsisarneq pisassiisalersinnaanissamut aamma periarfissiisoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat