Nangartarneqaraluarluni Syrialiartoq

Allattoq Najaaraq Egede
apriilip 04-at 2007 12:08

Naak præsident Bush-imiit nangartarneqaraluaqaluni

Demokratit siuttuat, Nancy Pelosi ippassaq Syrialiarluni aallarpoq. Præsident Assat Damaskus-imi ullumikkut naapittussaavaa Jaaku Lyberth ilanngutassiamik atuaassaaq

Nasartaaserluni ataqqinnippalullunilu qunutitassaanngitsumillu qungussutaannguarluni ippassaq Nancy Pelosi-p naatsitaarniarfik saneqqukkamiuk qaqqortarissanik paarnarsuarnillu pisisinnarluni muslimit oqaluffiat pulaarpaa, ilivermiittorlu Johannesip kuisisup niaqua sanningasuusiorfigalugu.

Ullumi kinguaariit Assat-ikkut ittorsuat Syriami præsidentiusoq Bashar Assat pulaartussaavaa.

USA-miillu Præsident Bush-ip Nancy Pelosi uparuartorpaa, Demokratini siuttuunerminik amerlanerussuteqarnerminnillu atornerluisuunerarlugu,

Syriallu tusaamaneqarneranik kivitsiniartuunerarlugu oqarluni Syriami politikikkut aqutsisoqarfeqartariaqanngitsoq.

Bush-ip suleqataasalu oqaatigaat; Nancy Pelosi-p syriamut tikeraarnera Syria najummassimanartor-siorfinngortikkaa.

Libanon-imut qaartartumeerinernut Hisbolah-ikkunnut aammalu Irak-ip killeqarfiinut ikiuisartutut Palæstinamilu aaqqiangiinnginnernut kiisalu Hamas-ikkormiunut innisimatitsisartutut Syriamiut pisuutikkamikkit.

Tamakkualu pillugit Nancy Pelosi oqarpoq

Assat kiinaatigut nakkutiutigalugu ajornartorsiutaasartunik tamakkuninga oqaloqatiginiarlugu, Demokratillu nunanut allanut tunngatillugu namminerisaminnik politikeqarnerat pillugu aamma paasitikkusukkamigit, præsident Bush-imut ataqqinninnginnermik nittarsaanngikkaluarluni.

Syriamiullu oqaloqatiginninnissaminnik soqutiginninnermik nittarsaakkusullugu ullumikkut oqaatigaat Iran-ip Tuluillu Nunaata eqqiseqatigiisinniarnerannut akunnermiliuttuuniarlutik