Namminneq erfalasutik atortassanngilaat
Kalaallit timersortartui OL-imi unammeqataarusuttut neriuutissaqalerput.
Kalaallit savalimmiormiullu timersoqatigiiffiisa kattuffii OL-imi unammeqataasarneq qanoq isumaqarfiginerlugu saqqummiisinnaanngortut, aviisi Idrætsliv allappoq.
Nunani avannarlerni timersortartut Bornholmimi aggustip qaammataani ataatsimiinnerannut atatillugu Danmarkimi timersoqatigiiffiit kattuffiani (DIF-imi) siulersuisunit kattuffiinni taakkunani marlunni siulersuisut aggersarneqarsimapput.
Kalaallit savalimmiormiullu timersoqatigiiffiisa kattuffiini siulersuisut DIF-imi siulersuisunut septembarimi saqqummeeqquneqarlutik aggersarneqarsimapput oktobarimilu missingersuutit pillugit ataatsimeqataanissaminnut aggersarneqarsimapput. Sinniisuutitat danskit peqataanissaannut piumasaqaatinik akuersisartuupput –tamannalu tunngavigalugu kalaallit savalimmiullu timersortartut peqataatitassat taakkunannga aamma akuerineqartussaassapput.
Nunatsinni savalimmiunilu timersortartut OL-imi unammeqataassagunik namminneq erfalasoqarnissartik kissaatigaat. Nunarpulli savalimmiullu Naalagaaffiit peqatigiinnut ilaasortaanngimmata Nunat tamalaat Olympiadetarneq pillugu ataatsimiititaliaannit akuerineqarusunngilaq.