Namminiilivinnissaq: Aningaasat ernumananngillat

Naalagaaffiup ataatsimoortumik nunatsinnut tapiissutigisartagai ukiumut 3 milliarder koruuninik sinneqartut, aatsitassarsiornikkut isertinnneqarumaartussanit ikilisikkiartuaartinneqarnissaat, Namminersorneq pillugu isumalioqatigiissitaap ippassaq Tasiilami ataatsimiinermini naqissuserpaa. Aatsitassanit isertitat toqqaannartumik naalagaaffiup karsianut nakkartinneqartassanngillat..tamanna pillugu Isumalioqatigiissitami ilaasortaq Augusta Salling ima oqarpoq.

- Isumaqatigiinniarnermi angunikuuvarput aamma anguneqartoq toqqaannartumik naalagaaffiup karsianut nakkartinneqartartussaanngillat kisianni ullumikkut naalagaaffiup tapiissutai aningaasanik taakkuninnga appartikkiartuaarneqaqqaartussaapput, nungoreerpata aatsaat taamanikkussamut isumaqatigiinniutigineqareerpata aaqqinneqarumaarput. Aatsitassarsiornikkut isertitat 275 millioner koruuniusimappata, 75 millioner koruunit ilanngaatigeqqaarlugit takkua affaat, 100 milloner koruunit danmark-ip nunatsinnut tapiissutigisartaannit maannakkut 3 milliarder koruuniusunit ilanngaatigineqaqqaassapput, Augusta Salling oqarpoq.

Kuupik Kleist Namminersorneq pillugu isumalioqatigiissitami aatsitassat pillugit isumaqatigiissut pillugu oqarpoq, isumaqatigiittoqarnerani aningaasarsiornikkut toqqissisimalluta namminersuleriartornerput ingerlasinnaanngortoq. Namminersulernissarput aningaasarsiornikkut ernumanartutut inuppasuarnit isigineqarsimavoq, piitsuunerulernissamik ilaatigut oqaatigineqartarsimasoq, Danmark-imiillu tapiissutit peerneqarnissaannik ernumassuteqarneq, maannakkut isumaqatigiissuteqarnikkut namminersulernissarput toqqissisimasumik ornissagipput, aningaasatigut ajutoornissarput ernummassutiginagu, Kuupik Kleist IA sinnerlugu inatsisartuni Folketingimilu ilaasortaq Namminersorneq pillugu isumalioqatigiissitap ataatsimiinnerata kingorna oqarpoq.

Namminersorneq pillugu isumalioqatigiissitami ilaasortat Kuupik Kleist IA , Augusta Salling-ilu tusarpasi, ippassaq Tasiilami ataatsimiinerup kingorna toqqaannartumik radiokkut aallakaatitsinermi.

Namminersorneq pillugu isumalioqatigiissitaat danskinit kalaallinillu ilaasortaaffigineqartoq, tulliani kingullermeerlunilu ataatsimiissaaq septemberip ulluisa aqqarnani aqqaneq aappaannilu Nuummi.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat