Aqqaluaq B. Egede: - Namminiilivinnianngilagut aningaasanut inatsimmi 2018-mi
Nivi Olsenip Demokraatineersup aningaasaqarnermut inatsit amigartooruteqarani sinneqartooruteqannginnissanik isornartorsiorpaat naalakkersuisoqatigiit Kalaallit Nunaata namminiilivinnissaanik aningaasatigullu imminut napatissinaaneranik oqaluutigalutik.
Taama isornartorsiusioqarnera Aqqaluaq B. Egedep akuerpiarsinnaanngila, aningaasanut inatsit pillugu tusagassiortunut pingasunngornermi katersortitsinermi oqaatigaa.
AAMMA ATUARUK Isumalioqatigiissitami ilaasortat akissarsiaqartinnissaat isumaqatigiissummut naapertuutinngilaq
- Namminiilivinnianngilagut aningaasanut inatsit 2018 aqqutigalugu, kisianni namminiilivinnissaq aamma pisussaaffiliivoq, meerartatta suliarinissaanut, inuussuttatta periarfissagissaarnissaanut aamma inuiaqatigiit sinnerisa pitsaasumik atugaqarnissannik, Aqqaluaq B. Egede oqarpoq, nangillunilu
- taamaattumik Namminiilivinnissaq sumik uuttuuteqarluni oqaatigneqarnersoq apeqqutaavoq, Aningaasaqarnermut Naalakkersuisoq oqarpoq.
Namminiilivinnissap aqqutissiuunneqarnissaanut iliuussissanik aningasaliisoqartoq Aningaasaqarnermut Naalakersuisoq oqarpoq.
- Meeqqat sumiginnarneqartut iliuuseqarfigineqarput, innarluutillit immikkut peqataalernissaat suliarineqarpoq, Aasianni katsorsaav
Aningaasanut inatsimmi 2018-mut 2019-mullu atuuttussanut 11 million kr-nik sinneqartooruteqarnissaq missingersuusiunneqarpoq, ukiunilu 2020-mi 2021-milu amigaartooruteqarnissamik missingersuusiortoqarluni.
Ukiut sisamat ingerlanneranni nunatta karsia 800.000 kr-nik sinneqartooruteqarnissaani missingiunneqarpoq.
Allatut oqaatigalugu aalisakkanit akitsuutinik isertitakinnerunissamik naatsoorsutiginngissanillu aningaasartuuteqarnerunisssamut isumakuluuteqarnissamut inissaqarpiarpasinngilaq.
AAMMA ATUARUK Mittarfiliassat aningaasanut inatsit pissutigalugu kinguartinneqartut
- Missingersuutinik ukiut tamaasa taamaattarpoq, aalisarneq nalusarparput, eqqoriaanerinnarmik aallaaveqartumik missingersuusiortoqartarpoq,
Aqqaluaq B Egede oqarpoq, aalisakkat qanoq amerlatigisut aalisarneqarsinnaanerat eqqoriaruminaatsoq aalisakkat ingerlaarnerat aamma silap pissusaata allanngoriartornera apeqqutaasarmat.
- Isumaqarpunga pivisorsiortorujussuarmik missingersuuteqartugut, massakkut appariaataasut naatsorsuutigivallaarnaveersaarparput, imatut paasillugu, ilimagisamit isertitaqarnerunissamik missingersuuteqanngilagut, kisianni piviusorsortinniarsaralugu missingersuusiorpugut,
Aningaasaqarnermut Naalakkersuisoq Aqqaluaq B. Egede aningaasaqarnermut inatsit 2018-mut atuuttoq pillugu pingasunngornermi tusagassiortunik katersortitsinermi taama oqarpoq.
