Suka K. Frederiksen 55-inik ukioqarluni toquvoq.Assi: Siumut

Namminiilivinnermut naalakkersuisuusimasoq Suka K. Frederiksen toqusoq

Suka K. Frederiksen Inatsisartuni 2014-imiit 2018-imut ilaasortaavoq. 2017-imi kræftimik nappaateqalerpoq.

Nunanut allanut tunngasunut naalakkersuisuusimasoq, Suka K. Frederiksen, sivisuumik napparsimareerluni 55-inik ukioqarluni toquvoq.

Ilaqutaasa tamanna Sermitsiaq.AG-mut uppernarsarpaat.

Suka K. Frederiksen Inatsisartunut 2014-imi qinigaavoq. Namminiilivinnermut, nunanut allanut tunngasunut nunalerinermullu 2016-imi naalakkersuisunngorluni.

Kræftimik nappaateqalersimanini 2017-imi aggustimi paasereerlugu inatsisartunut 2018-imi qinersinermi sassaqqinngilaq.

AAMMA ATUARUK Suka K. Frederiksen qinigassanngortinnianngilaq

Kræftimik napparsimasunut ilaqutaasunullu atuagassiamik suliaqarluni, AG-mit 2018-imi apersorneqarnermini oqaatigaa.

Inuit napparsimasut oqaaseqartartussaminnik pisariaqartitsisut taamanikkut oqaatigaa.

- Napparsimasut oqaaseqartartoqalernissaat ujartorparput, napparsimasut sinnerlugit oqaaseqartartussamik, Suka K. Frederiksen Sermertitsiaq.AG-mit siorna 2019-imi apersorneqarnermini ilaatigut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat