Namminiilivinnermut naalakkersuisoq: Toqutsinissamik sioorasaarutit akuerineqarsinnaanngillat
Naalagaaffeqatigiinnerup attatiinnarneqarnissaanut illersuisut Nauja Lyngep Jairus Lyberthillu toqumik sioorasaarneqartarsimanertik tusagassiuutinut siusinnerusukkut oqaluttuarisimavaat. Sermitsiaq.AG taama allaaserisaqarpoq.
Oqallinnerulli oqaatsitigut ilaatigut sakkortuuliorfigineqarnera pissutaalluni Nauja Lynge oqallinnermit tunuarpoq
AAMMA ATUARUK Naalagaaffeqatigiinnermut tapersersuisut ingerlaaqatigiinnerat iluatisinngitsoq
Innuttaasut ilaat naalagaaffeqatigiinnermut tapersersuinertik pillugu toqunneqarnissamik sioorasaarneqartarnerat pissusissamisuunngitsoq, Namminiilivinnermut naalakkersuisup Suka K. Frederiksenip, tusagassiuutinut nalunaarummi ilaatigut allaaseraa.
- Innuttaasut ilaat naalagaaffeqatigiinnermut tapersersuisuunertik pissutigalugu toqunneqarnissamik sioorasaarneqartarnerat pissusissamisuunngilluinarpoq. Nunami oqartussaaqatigiiffiusumi, qilersorsimaneqarata oqaaseqarfigisinnaasatsinni inuuvugut, Suka K. Frederiksen oqarpoq.
AAMMA ATUARUK Peqatigiiffik Naalagaaffeqatigiiffik: Nakimaannerup siunissaq ajortunngortissanngilaa