Assi: Nuka Møller

Namminiilernissamik kissaateqarneq Lars Løkkep ataqqivaa

Naalagaaffeqatigiinni naalakkersuisut siulittaasui, Savalimmiormiut Lagmandiat Aksel V. Johannesen, Naalakkersuisut siulittaasuat Kim Kielsen aamma danskit ministeriunerat Lars Løkke Rasmussen rubinimik piiaavimmi Aappaluttumi Qeqertarsuatsiaat eqqaanni tusagassiortunik ualimut katersortitsipput

Nutaarsiassaqartitsiviup Ritzaup allaaserisaa naapertorlugu danskit ministeriunerata erseqqisaatigaa, Kalaallit Nunaata Savalimmiullu namminersulernissamik kissaateqarnerat ataqqillugu.

- Kalaallit Nunaata Savalimmiullu namminneq aalajangissavaat namminerisamik tunngaviusumik inatsiseqarlutik suliniarnerlutik, Lars Løkke Rasmussen naalagaaffeqatigiinni siuttut ataatsimiinnerisa kingorna taama oqarpoq

Savalimmiuni naalakkersuisut siulittaasuata Aksel V Johannesenip aamma Naalakkersuisut siulittaasuata Kim Kielsenip Savalimmiut Kalaallit Nunaallu namminerisamik tunngaviusumik inatsiseqalernissaq, aningaasarsiornerlu ataatsimiinermi pingaarnertut oqaluuseraat.

- Isumaqarpunga naalagaaffeqatigiinnerput nukittunerulersitsisoq tamannalu ullumi ataatsiminnermi uppernasivara. Savalimmiut aamma Kalaallit Nunaata namminerisamik tunngaviusumik inatsiseqalernissamik kissaateqarnerat ataqqivara, ministeriuneq taama oqarpoq, nangillunilu:

- Nunat taakku marluk qanoq iliorniarnerlutik nammineq aalajangissavaat.

Apeqqut taanna pillugu danskit naalakkersuisuisa savalimmiunik kalaallit nunaannillu  oqaloqateqarnissamut ammapput, namminerisamik inatsimmik suliaqarnermi apeqqutinik takkuttoqassagaluarpat, tamannalu naalakkersuisut tunngavianni atuarneqarsinnaavoq, Lars Løkke Rasmussen oqarpoq.

  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat