Namminersulernissaq pillugu Folketingimi tusarniaatitsisoqassaaq
Namminersorneq pillugu Ataatsimiititaliarsuup isumaliutissiissutaa tunngavigalugu Kalaallit Nunaata namminersulernissaa pillugu tusarniaatitsisoqarniarpoq, Christiansborgimi Landstingssalimi ualikkkut pisussamik.
Ataatsimiititaliap siulittaasua Lars-Emil Johansen tusarniaanissamut isumalluarpoq:
- Namminersorneq pillugu isumalioqatigiissitap isumaliutissiissutaanut tunngasunut folketingimi ilaasortat apeqqutissaqarusukkunik maanna periarfissinneqassapput, annertunerusumillu ilisimasaqalernissaat neriuutigaarput, Lars-Emil Johansen radioavisimut oqarpoq.
Namminersulernissaq eqqarsaaatigalugu aningaasaqarniarnikkut pissutsit sammineqassapput, inatsisillu tunngaviusut atortinnerannut tunngatillugu pissutsit aamma iserfigineqassallutik. Nunat tamalaat akornanni pissutsinut sanilliussinikkut saqqummiussisoqassaaq.
Ataatsimoortumik tapiissutit siunissami qanoq iluseqarsinnaassanersut oqallisigineqassaaq, aatsitassarsiornermilu uuliasiornermilu isertitariumaagassat qanoq agguataarneqassanersut aamma oqallisigineqassalluni.