Namminersulernissamut siunnersuut tapersersorpaat
Siumut Ilulissani ataatsimeersuarnerani peqataasut 80-it 2016-imi naalagaaffimmik killilersugaanngitsumik suleqatigiinnissamut isumaqatigiissutip imaluunniit namminersulivinnissap sulissutigineqarnissaanut siunnersuut ullumi tapersersorpaat.
Allattoq Louise M. Kleemann
Kisianni partiip siulittaasuata Hans Enoksenip namminersulivinnissap eqqunneqarnissaanut sukkavallaamik piffissaliinissaq mianersoqqussutigaa.
- Namminersulivinnissaq ukiumillu aalajangersaanerit eqqartulertinnagit namminersornerup eqqunniarneqarneranut suliaq naammasseqqaartariaqarparput. Sukkavallaamik ingerlatsiniarutta suleqatigisatsinniit annertuumik akornuserneqaratarsinnaavugut, Hans Enoksen mianersoqqusivoq.
Suleqatigiissitaniit siunnersuutit siulersuisuunernit akuersissutigineqartussaapput, tassanilu ukiuliineq peerneqartussaasoq ilimanartoq, Hans Enoksen Sermitsiaq.gl-imut oqarpoq.