Namminersulernikkut imminut tatigineq qaffariartussaassaaq

Ataqqinartorsuaq Dronning Margrethe KNR-imit tv-kkut apersorneqartilluni oqarpoq, namminersulernikkut kalaallit imminut tatiginerulissasut.
Allattoq Elisa Isaksen
juunip 21-at 2009 17:23

Persuarsiornartumik oqaluttuarisaanermullu pingaaruteqartumik Ataqqinartorsuup Dronning Margrethep Namminersorneq pillugu inatsit, Inatsisartut siulittaasuannut Josef Motzfeldtimut tunniummagu filmiliortorpassuaqarlunilu assiliisorpassuaqarpoq. Namminersulernerlu taamaalilluni piviusunngorpoq.

Taamatut nutaamik periarfissaqalerneq, inuiannut kalaallinut kajumissaataassaaq, Ataqqinartorsuaq Dronning Margrethe KNR-TV-mit apersorneqartilluni oqarpoq.

Namminersornerup eqqunneqarneranut peqatigitillugu nutaanik naalakkersuisoqalernera pissusissamisoortutut ippoq. Nutaamik aaqqissuussinermi nukiit nutaat atulernerat kalaallinut tamanut isumassarsisitsivoq nukissaqalersitsillunilu.

Namminersulerneq kalaallinut qanoq sunniuteqassanersoq Dronning Margrethe aperineqarami akivoq, Namminersornerup ingerlanneqarnerata, qanoq nassataqarsinnaanera qanorlu atorneqarsinnaanera piffissap takutikkumaaraa, taamaattorli kalaallit imminnut tatiginerat qaffariartussaassasoq Dronnging Margrethep oqaatigaa.

Ataqqinartorsuup Dronning Margrethep apersorneqarnera tamakkerlugu KNR-TV-mi aqagu unnukkut nalunaaqutaq 19.55 takuneqarsinnaavoq.

Ataqqinartorsuup Dronning Margrethep apersorneqarnera tamakkerlugu KNR-TV-mi, aqagu unnukkut nalunaaqutaq 19.55 takuneqarsinnaavoq. Apersuineq qilanaartuutitut unnugu Qanoruumi tigulaariffigineqassaaq.