Namminersulernerup nalliuttorsiutigineqarnissaa aningaasanik pinnguarnerussaaq
Namminersorneq pillugu aappaagu juunip ulluisa 21-ni nuannannissarsuaq naalakkersuisut pilersaarutigeriigaat aningaasanut ataatsimiititaliamiit unitsinneqarpoq, taama Sermitsiaq allaaserisaqarpoq.
Allattoq Louise M. Kleemann
Naalakkersuisut pilersaarutigaat aappaagu juunip ulluisa 21-ani aningaasat koruunit millioonit affaat nuannannermut atorneqassasut, kisiannili aningaasaqarnermut ataatsimiititaliaq isumaqarpoq tamanna aningaasanik pinnguarnerussasoq.
Ataatsimiititaliaq isumaqarpoq aningaasat allanut atorfissaqartinneqarnerusunut atorneqartariaqarput, taamaammat naalakkersuisut piumasaqarfigaat aappaagu 2009-mut aningaasanut inatsisissamut siunnersuummiit peerneqassasut.