Namminersulerneq Naalagaaffiit Peqatigiinnut nalunaarutigineqarpoq

Nalunaarut Naalagaaffiit Peqatigiit Allattaaneranut Ban Ki-Moon-imut nassiunneqarpoq, taannalu qinnuigineqarpoq Naalagaaffiit Peqatigiinni pisortatigoortumik nalunaarummik ingerlatsitseqqullugu taamaaliornikkut Naalagaaffiit Peqatigiinni nunat ilaasortaasut ilisimatinneqassammata. Nalunaarummi Namminersorneq pillugu inatsimmeersunit tigulaarisoqapoq, tassalu inuiattut akuerineqarneq nunat tamat akornanni inatsisit malillugit Kalaallit Nunaata aalajangiisinnaassuseqaarnera, Namminiilivinnissamut pisinnaatitaaffeqarneq aammalu Kalaallit oqaasii Kalaallit Nunaanni pisortatigoortumik oqaasiulersut Naalagaaffiit Peqatigiinnut nalunaarummi ilanngunneqarput. Allakkatigut nalunaaruteqarnerup saniatigut siunertaavoq ministeriuneq Lars Løkke Rasmussen aamma Kuupik Kleist piffissami suli ullulerneqanngitsumi pisortatigoortumik nunarsuarmioqatitsinnut Namminersornerup eqqunneqaranut nalunaaruteqarneq pillugu malunnartitsissasut. Malunnartitsinissami kalaallit kissaatigaat Naalagaaffiit Peqatigiit Allattaanerat Ban Ki-Moon peqataassasoq Inatsisartut siulittaasoqarfiat nalunaarpoq.