Namminersornerusut sunniuteqarnerulertariaqarput

Allattoq Carla Davidsen
oktobarip 26-at 2005 16:52

Nunat Avannarliit Siunnersuisoqatigiivisa ilaasortat pikkorilluinnartut akornanni Kalaallit Nunaat inississinnaanngorunarpoq.

Nunat Avannarliit Islandimi Reykjavikimi ataatsimiinneranni siunnersuut, tassa namminersulersimasut sunniuteqarnerunissaat, tiguneqarluarsimavoq.

Siunnersuut taanna Savalimmiuninngaaniit siunnersuutaavoq. Ataatsimiinnermili isumaqatigiissutigineqarpoq, naalagaaffeqatigiinnit Danmarkimut atasunit, siunnnersuutitut saqqummiunneqassasoq.

Inatsisartunut ilaasortaq Josef Motzfeldt oqarpoq, namminersortut pitsaanerusumik isigineqalernissaat taamaattussaannartut isigigini.

Siunnersuut Kalaallit Nunaannut, Savalimmiunut Ålandillu Qeqertaanut pingaaruteqartussaavoq. Siunnersuummillu ersarissumik aappaagu saqqummiussisoqassaaq.