Namminersornerup nalliuttorsiutigineqarnerani Tunu puigorneqassanngilaq

Kunngikkormiut nittartaagaanni pilersaarutit malillugit ualeru nalunaaqutaq pingasunut Kulusummi atuarfik takornariassavaat, innuttaasullu atuarfimmi kaffisoqatigiineqssallutik Namminersorneq pillugu nallittorsiornermi tunup eqqaamaneqarnissaa Dronning Margrethe Kalaallit Nunaanukarnissani sioqqullugu eqqarsaatigilereersimavaa. Ukiut arlallit qaangiupput kingullermik Tasiilamiikkama. ilami ukiut aqqaneq marluk matuma siorna kingullermik Tasiilamiippungaa. Taamaattumik tunuliarnissara kissaatigisimavara. Kingullermi tunumiippunga ukioq 2004-imi taamanikkut Illoqqortoormiut tikeraarpagut. Namminersorneq pillugu nalliiuttorsiornermut atatillugu Nuummiippugut, Nuuk kisiat tikeraassallugu naammagisimanngilarput. Qularutiginagu oqaatigisinnaavara aappaagu Kalaallit Nunaannut tikeraarnissarput naatsorsuutigisinnaannginnatsigu. Taamaattumik nalliuttorsiortoqartillugu tunup puigunnginneqarnissaa pisariaqarpoq Dronning Margrethe suleqatitsinnit Lille Marie Nielsenimit apersorneqarluni ilaatigut taamatut oqarpoq. Dronning Margrethe uinilu aqagu Tasiilamiissapput kiisalu Kuummiut aamma tikeraarneqassalluni. Eqqaasitsissutigisinnaavarput Ataqqinartorsuup Dronning Margrethep apersorneqarnera KNR TV-ikkut unnugu aallakaatinneqassammat nalunaaqutaq arfineq pingasunut tanneq aqqanernut 19:55