Namminersornerullutik Oqartussat inissiaataat agguaakkusuppai

Namminersornerullutik Oqartussat inissiaataat najugaqarfigisat akeqanngitsumik piuk, tamatumunngalu taarsiullugu aserfallatsaalineqarnissaa nammineerlutit isumagalugu.

Naalakkersuisunut ilaasortaq Kim Kielsen Sermitsiami ullumikkut saqqummersumi isumassarsiaminik taama saqqummiussivoq. Tamanna qisuariaataavoq, A/S Inip marlunngormat immikkut ittumik ataatsimeersuarnerani, inigisamut akiliutinut qaffaatissatut siunnersuutigineqaraluartut, aserfallatsaaliinermut atorneqartussaagaluit peerneqarmata.

- Siunnersuutaasinnaasut pitsaasut tamaasa tusarusuppakka. Allaat Namminersornerullutik Oqartussat inissiaataasa 7.500-uusut tamarmik attartortunut tunissutigineqarnissaat siunnersuutigineqassappat tamanna tusarusuppara, taavalu piginnittuulersussat namminneq inigisamik aserfallatsaalinissaat akilissavaat, Kim Kielsen Sermitsiamut oqarpoq.

Kim Kielsen suleqatigiissitamik, Namminersornerullutik Oqartussat inissiaataannik aserfallatsaaliinissamut kinguartoorutinik 2,1 milliardit koruuninik nalilinnik iliuuseqarnissamut nassaarniartussanik pilersitsisimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat