Namminersornerullutik Oqartussat eqqartuussisunut tunniunniarneqarput

Namminersornerullutik Oqartussat innarluutilinnik sullissinerannik naammaginninnginnermi Maniitsup Kommunea kisimiinngilaq. Kommunit qulit KANUKOKA pisinnaatippaat sulianik eqqartuussivimmut tunniussisinnaanissaanik, suliassat nunami tamarmi innarluutilinnik sullissisunut tiiminik ilanngaanermik tunngasut. KANUKOKA-p eqqartuussivimmut Namminersornerullutik Oqartussanik tunniussisinnaanissaanut pisinnaatitsisut ilagaat Nuup Kommunea. Innarluutilinnik sullissinermi immikkoortortaqarfimmi ningiuusoq, Pauline Abelsen eqqartuussivimmut tunniussinissamik pisinnaatitsinerminut peqqutigaa, Namminersornerullutik Oqartussanit innarluutilinnut sullissisunut tiimit tunniunneqartut naammanngimmata.

Nuup Kommunea 2004-mi Namminersornerullutik Oqartussanut qinnutigisimavaat 1614 tiimit 557-illu pissarsiaralugit. Tamanna sullitanut ima kinguneqarsimavoq, innarluutillit sullinneqartut ilaannut A1-imut unikulanerulersimanerat sullinneqannginnerat naammanngimmat.

- Ukiuni arlalinni ingerlassappat ersissutigaara pisariaqartitsinerit Danmarkimut nassiunneqartalersinnaanissaat, Pauline Abelsen oqarpoq.