Namminersornerullutik Oqartussani pujortartoqaqqusaajunnaassaaq
Namminersornerullutik Oqartussat qitiusumik allaffianni pujortartarneq iliuuseqarfigineqarnialerpoq. Janunarip aallaqqaataa 2007 aallarnerfigalugu Namminersornerullutik Oqartussat allaffianni inini pujortartoqaqqusaajunnaassaaq.
Allaffeqarfimmi aqutsisut sulisullu, sulisut peqqinnissaat atugarissaarnissaallu eqqumaffigerusulermassuk taama aaqqiisoqarsimavoq.
Ininik pujortartarfiusunik pilersitsisoqaraluarpoq, pujortartarnerulli akornutaanera iluarsineqanngilaq iluarsineqarsinnaannginneralu aalajangernermut tunngaviusoq pisortaanerup Kaj Kleistip nalunaarutigaa.
Sulisut pisortaqarfiillu sungiussinissamut piffissaqarluarnissaat anguniarlugu januaarip aallaqqaataa 2007 piffissaliunneqartoq aammattaaq erseqqissaatigineqarpoq.
Taamatuttaaq sulisunik pujortarunnaarnissamut sungiusaanerit pujortarunnaarsitsinissamullu sungiusaasunik pikkorissartitsinerit periarfissiissutigineqassasut nalunaarummi erseqqissaatigineqarpoq.
