"Namminersornerulernerup ataataa"
Jonathan Motzfeldt pillugu aallakaatitassiaq nutaaq KNR-TV-mi unnugu nalunaaqutaq 19.55 takutinneqassaaq. Palasi, politikeri kalaaleqallu Jonathan Motzfeldt aallakaatitassiami qulequtaqartumi "Namminersornerulernerup ataataa", eqqaaniarneqarpoq.
Allattoq Louise M. Kleemann
Aamma KNR Radiokkut aallakaatitassiaq nutaaq ualimut tusarnaarneqarsinnaavoq. Aallakaatitassiami tassani Juuntaammut qaninnerusut eqqartugaat qitiutillugit inuuneranik politikkikkullu sulineranik kingumut qiviarneq sammineqassaaq.
Aallakaatitassiaq ”Jonathan Motzfeldt eqqaaniarlugu" ualimut nalunaaqutaq 15.54- 17.00 tusarnaarneqarsinnaavoq.
TV-kkut Radioakkullu aallakaatitassiat taakku Peter Frederik Rosingip aallakaatitassiarai.