Namminersorneq tunngavimmigut allaanerusoq
- Tassa oqartoqarsinnaavoq pissutsit assigiinngitsut marluusut. 1979 tikillugu nunarput landsrådeqarpoq annertunerusumik aaliangiisinnaatitaanngitsumik siunnersuisinnaatitaasumilli. Nunarput Danmarkimi Folketingimit ungasianiit aqunneqarpoq. Tamannalu qatsunneqarpoq, taamaattumillu Nammernersornerullutik oqartussaatitaaneq kissaatigineqarpoq, Tupaarnaq Rosing Olsen oqarpoq. Assersuutigalugu oqaatigaa, 1972-imi Kalaallit Nunaat EF-imut naaggaaraluarluni Danmarkimut ilaasuunini pissutigalugu ilanngunneqarmat, tamatumalu kingunerisaanik namminersornerulernissamik kissaateqartoqalersoq.
Tupaarnaq Rosing Olsen aperineqarami maanna namminersornermut ikaarsaariartornermi suna tunngaviunersoq ima akivoq.
- Maanna ukiuni 30-nngulersuni Namminersornerulluni oqartussaaneq atuussimalerpoq, suliat oqartussaaffiillu tigusassat tamakkerneqareerput, tassa nunamut allamut tunngasut, illersornissamut tunngasut inatsisinillu atortitsinissamut tunngasut tiguneqartussaanngitsut minillugit. Massakkullu Namminersulernissami periarfissat nutaat ammaanneqassapput, soorlu namminersornerulluni oqartussaanerup inatsisaa annertusarneqassaaq, Tupaarnaq Rosing Olsen oqarpoq.
