Namminersorneq taasititsissutigineqartinnagu paasisitsiniaaneq

Namminnersorneq pillugu Kalaallit Qallunaallu isumalioqatigiissitaasa Kalaallit Nunaanni namminersornermik isumalioqatigiissutaata eqqikkaarnera quppersaganngorlugu illunut tamanut agguaanneqaqqammerpoq.
Allattoq Jaaku Lyberth
juulip 12-at 2008 13:11

Quppersakkami namminersorneq pillugu paasissutissat kalaallisut qallunaatullu allassimasut atuarneqarsinnaaput.

Namminersorneq pillugu isumaliutissiissut atsiorneqarmat, naalakkersuisut neriorsuipput Namminersorneq pillugu innutaasut paasissutissinneqarnissaat suliniutigineqassasoq, taamaalillutik inuttaasut novemberip ulluisa 25-anni namminersorneq pillugu taasisitsinermi tunngavissaqarluassammata.

Namminersorneq pillugu kalaallit qallunaallu isumalioqatigiissitaata siunniuppaa namminersorneq atuutilissasoq aappaagu inuiattut ullorsiornermi juunip ulluisa 21anni, innutaasut namminersorneq pillugu taasisitsinermi novemverip ulluisa 25-anni akuersippata.

Isumaliutissiissutip eqikkarneqarnerata quppersaganngorlugu illunut tamanut agguaanneqartup saniatigut namminersorneq pillugu inatsisissatut siunnersuutip quppersaganngorlugu agguaanneqarneqarnissaa pilersaarutaavoq.

Namminersorneq pillugu innutaasunik ataatsimiisitsisarnerit aallartereerput.

Namminersorneq pillugu isumaliutissiissutip eqikkarneqarnera innuttaasunut tamanut agguaanneqassaaq namminersorneq pillugu innutaasunik taasisitsinissaq sioqqulugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq