Namminersorneq pillugu paasisitsiniaanissaq piariilerpoq

Namminersorneq pillugu paasisitsiniaanissaq piariingajalerpoq. Nalakkersuisut siulitaasuat Hans Enoksen Namminersornerullutik Oqartussat nittartagaanni taamatut nalunaaruteqarpoq
Allattoq Jaaku Lyberth
januaarip 08-at 2008 10:50

Illoqarfiit nunaqarfiillu sapinngisamik amerlanerpaat innuttaasunik taasititsisoqannginnerani tikinniarneqarput, taamaattorli nunaqarfiit tamavimmik tikinneqarsinnaanngillat piffissaq aningaasallu atugassiissutit killeqarmata.

Namminersorneq pillugu Inatsisissamut siunnersuut allakkianngorlugu illoqutigiinnut tamanut agguaanneqassaaq. Ilanngullugu isumaliutissiissutip eqikkarnera aamma agguaanneqassalluni, Naalakkersuisut siulittaasuat Hans Enoksen allappoq.

Namminersorneq nunatsinni ulloq juunip 21-ani 2009-mi atuutilerumaartoq Hans Enoksenip aalajangiusimavaa.

Isumalioqatigiissitap isumaliutissiissutaa naammassineqaqqaassaaq, tamatuma kingorna namminersorneq pillugu inatsisissaq inatsisartunit akuersissutigineqassaaq Kalaallit Nunaanni innutaasunit taasisitsissutigineqannginerani, tamannalu pereerpat Danskit folketingianni akuersissutigineqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq