Namminersorneq pillugu isumalioqatigiissitami sulineq Naalakkersuisut siulittaasuata akuliunermigut unittoortissinnaavaa
- Isumaqarpunga Naalakkersuisut siulittaasuata maanaannaq akuliunnermigut suliatsinnut ataqqinninnginnini takutikkaa. Uagummi eqqartoriikkatsinnik Kalaallit Nunaanni Naalakkersuisunut, qallunaallu Naalakkersuisuinut isummerfigisassanngortsitsisussaavugut, sulili eqqartukkavut ingerlakkivut maanaannaq Naalakkersuisut siulittaasuata akuliunnera ataqqinninngippalaarpallaaqaaq. Takorloorneqarsinnaavormi qallunaat statsministeriat maanaannaq suleqatigiissitaliap suliaanut akuliukkaluarpat, Kalaallit Nunaanniit qanoq qisuariartoqassanersoq. Ajorluinnarpormi, uagut inatsisartutut, inuiaat sinniisaattut, isumaliutissiissutissavut suli isumaqatigiissutiginngikkigut naalakkersuisuniit akulerunneq. Aarlerinarpormi, suleqatigiissitap ilaasortai kalaallit taamaalillutik pituttorneqartutut isigileriaannaammata, isumaqatigiinniarnivullu unittoortsillugit.
Oktobarip ulluisa pingasuani suleqatigiissitami isumaqatigiinnginneq eqqartussallugu, Folketingimi nunatsinnilu inatsisartut siulittaasui, Frank Jensen, Kuupik Kleistilu ilagalugit ataatsimiittussaapput.
