Namminersorneq pillugu Christiansborgimi tusarniaaneqarpoq
Tusarniaasitsineq ullaaq nalunaaqutarput malillugu qulingiluanut aallartippoq tassa taavannguarlu ulloqeqqanut naammassisimassalluni.
Tusarniaanermi siunertaavoq qulaajassallugit Kalaallit Nunaata Namminiilernermigut inatsisit suut malissanerai aningaasaqarneralu qanoq iluseqassanersut.
Tassani aamma nunat tamalaat qanoq isiginninnerat, Danmarkip tapiissutigisartagaasa siunissami qanoq aaqqiivigineqarnissaat aamma aatsitassarsiornermi uuliasiornermilu siunissami isertitaasalerumaartussat agguataartarnissaat eqqartorneqarput.
Folketingip ataatsimiittarfiani Christiansborgemi landstingssalimik taasartakkami tusarniaanermi aamma sammineqarput Kalaallit Nunaata killeqarfii aamma inuiaat Kalaallit ukiorpassuarmi nunami inuunerannut tunngasut.
Tusarniaaneq tamanut ammasoq ilaatigut Namminersoneq Pillugu ataatsimiititaliarsuup siulittaasuata tullianit Christian Mejdahlimit, Danmarkimi Unerversitetini arlalinni professorinit aamma nunarput sinnerlugu Folketingimi ilaasortaatitat aappaannit Lars-Emil Johansenimit peqataaffigineqarpoq.
