Namminersorneq pillugu ataatsimiititaliarsuaq ataatsimeersuassaaq
Namminersulernissaq annerusumik oqallisigitikkumallugu Namminersorneq pillugu Ataatsimiititaliarsuaq kalaallinik danskinillu ilaasortaqartoq iliuuseqarnialersaalerpoq. Ataatsimiititaliarsuaq ukiamut ataatsimeersuartitsinialerpoq. Tamanna pissagunarpoq ataatsimiititaliarsuup ataatsimiinnerata kingulliup, 2007-imi septembarip 12-anni ingerlanneqartussap kinguninnguagut. Naalakkersuisut allaffeqarfiannit tusagassiorfinnut taama nalunaaruteqartoqarpoq.
Ataatsimeersuarnermi suut oqaluuserineqassanersut nalunarallarpoq, qularnanngitsumilli Ataatsimiititaliarsuup apriilip 18-anni ataatsimeereernerani paasissutissat amerlanerusut saqqummiunneqarumaarput.