Namminersorlutik Oqartussat Qaqortumi illut najugaqarfigineqarunnaarnikut atorneqaqqilersikkusukkaat

Qaqortumi inoqutigiit najugamik juulliaqqami ikuallannerata kingorna inissarsissunneqassapput, taamaammat Namminersorlutik Oqartussat illut najugaqarfigineqarunnaarsimagaluartut atorneqaqqilersikkusuppaat.

Qaqortumi inissiat pisoqalisut oquttullu matuuginnarneqarsimasut amerlammata inissiarsuarmi ikuallaqqammersumi najugaqartut allamut inissarsissunniarneqarnerat ajornartorsiutinngorpoq. Kommune Kujallermi borgmesteri, Kiista P. Isaksen, Namminersorlutik Oqartussanut ikioqqulluni maanna saaffiginnissuteqarpoq.

KNR-ip paasisai naapertorlugit ineqarnermut naalakkersuisoq, Erik Jensen, Kiista P. Isaksenip saaffiginnissutaanut sisamanngornermi akivoq.

Illut arlallit illoqarfiup qeqqaniittut siorna atorneqarunnaartut atorneqaqqilernissaat aalajangerneqartoq, Erik Jensenimit oqariartuutigineqarpoq.

AAMMA ATUARUK Najugaqartut allamut inissarsissunniarneqarnerat ajornartorsiutigineqartoq

Illulli atorneqaqqilernissaannut qanoq nutarterneqartigisariaqarnersut Namminersorlutik Oqartussat misissoqqaassavaat.

Blok J-ip isaterneqarnissaa Namminersorlutik Oqartussanit nalilerneqarsimasoq, Kommuninut, nunaqarfinnut, isorliunerusunut, attaveqarnermut ineqarnermullu naalakersuisoqarfimmersup, Embla Kristjánsdóttirip mailikkut KNR-imut allataani atuarneqarsinnaavoq.

Inissiarsuup ukiut tallimat qulillu qaangiuppata isaterneqartariaqartoq nalilerneqareersimavoq, ikuallatsinneqarneratalu kingunerisaanik ima ajoqusersimatigaaq allaat annaanneqarsinnaanani.  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!