Assi: Hotel Uummannaq

Namminersorlutik Oqartussat Hotel Uummannaq pisiarilersaarpaat

Hotel Uummannap pisiarineqarnissaa naammasseqqajaavoq. Akunnittarfik atuartut inaattut suliarineqassaaq.

Namminersorlutik Oqartussat Hotel Uummannaq pisiarilersaarpaat ilinniartullu inaattut 50-nik sinittarfilittut suliaralugu. Tamanna takuneqarsinnaavoq aningaasaqarnermut ataatsimiititaliap aalajangernerani. Taamaattoq Hotel Uummannap pisiarineqarnissaa suli akuerineqavinngilaq.

Taamaattoq Hotel Uummannap piginnittuata Arne Niemannip KNR-mut akunnittarfiutimi tunineqarnissaa uppernarsarpaa.

- Ukiut marluk kingulliit annertuumik amigartooruteqartarsimavugut. Taamaammat aalajangersimavunga Hotel Uummannaq naleqqunnerusumik annertussusilerlugu ingerlanniarlugu, Arne Niemann oqarpoq.

Takornariat Uummannamut tikittartut ikilinerat akunnittarfiup ajornartorsiorneranut pissutaavoq. Takornariat ataatsimoortut ukiormanna amerlanerpaagamik inuit arfineq pingasuupput. Tamanna naammaqqajanngilaq akunnittarfiup 35-nik sinittarfillip neriniartarfillillu ingerlannissaanut.

- Aalajangerpunga vandrehjemimik 25-nik siniffilimmik ingerlatsilerniarlunga. Isumaqarpungali akunnittarfiup tunineqarnera meeqqanut iluaqutissanngortissanngorpat pitsaassagaluaqisoq, Arne Niemann oqarpoq.

Aningaasaqarnermut ataatsimiititaliap aamma akuersinissaq ilalernartippaa. Taamaattoq paasissutissat amerlanerusut aningaasaqarnermut naalakkersuisumit Maliina Abelsenimit piumavaat. Paaserusunneqarput pisinermi kvadratmeterimut akiusussaq aamma nutaamik sananissamut sanilliullugu akia qanoq inissisimanersoq.

- Isumaqarpunga Namminersorlutik Oqartussat akunnittarfiup pisiarineratigut 20-25 millioner koruunik sipaaruteqarsinnaasut, Arne Niemann naliliivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat