Namminersorlutik Oqartussat AGF-imit taarsiiffigineqarsinnaajumapput
Ilaatigut suannik tunisassiornissamut aalisartut tunitsivissaqarnissaat qulakkeerniarlugu ulapputtoqarpoq. Tamanut pitsaasumik aaqqiissuteqarniarluni Royal Greenland isumasioqatigineqarpoq.
Qinersisoqarnera pissutigalugu, tunitsivissat politikkikkut aatsaat aalajangiiffigineqarsinnaanngussapput Naalakkersuisut nutaat ivertereerpata. Suliffeqarfiup akiliisinnaannginnerani Aalisarnermut, Piniarnermut Nunalerinermullu Naalakkersuisoqarfimmeersut suliffeqarfiup qanoq ingerlanera malinnaaffigereerlugu arlalitsigut isorisariallit siumorlugit oqaatigisarsimavaat.
Arctic Green Food A/S-ip pigisaanik taarsiiffigineqartariaqaramik Namminersorlutik Oqartussat maannakkut pigisanik akisussaasuusumut piviusut qulaajarneranni ikiuutaarusupput. Taamaalilluni pigisanut maanna akisussaasuutitap nalileruminartinnerussavaa, siulersuisuusimasunik taarseeqqusisoqassanersoq imaluunniit akiliisinnaajunnaartinnagu isorineqarsinnaasumik periuseqartoqarsimanersoq.
