Namminersorlutik Oqartussanngornerup nalliuttorsiutigineqarneranut qujassuteqarpoq
- Taavalu qamanngavik Kalaallit Nunaanni innuttaasunut qujarusuppunga. Nuannaaqaanga Namminersorneq juunip ulluisa 21-ani eqqunneqarmat Kalaallit Nunaanni nalliuttorsioqataagama. Ulloq sutigut tamatigut nuanneqaaq, nunami siumut alloriaqqippoq, Lars Løkke Rasmussen oqarpoq
Taassuma najuulluni innuttaasut siunissamik upperinninnerat malunnarluarsimanerarpaa.
- Innuttaasut upperaat inuiaqatigiinni suliassanik akisussaaffiliisunik siunissami tigusisinnaanissartik, Løkke Rasmussen nangippoq.
Ministeriunerup erseqqissaatigaa, naalagaaffeqatigiinnerup iluani Kalaallit Nunaata Savalimmiullu akisussaaffinnik, maannamut suli tiguneqarsimanngitsunik tigusinissaamut periarfissanik kissaatinillu tusarnaartuarnissaq, Danmarkimi naalakkersuisut politikkerigaat.
- Naalagaaffeqatigiinnermi qilerutit sukangasut qasoortiterpagut, kisianni eqqaamassavarput aamma qilerutinik allanik sukatigassaqaratta. Tassani eqqarsaatigaara nunarsuarmioqatigiinnermi soqutigisaqaqatigiilluta suliassarput, tassaasoq silap pissusaa pillugu isumaqatigiissutissaq. Danmarkimi naalakkersuisut kissaatigaarput Kalaallit Nunaat Savalimmiullu peqataassasut. Tamanna silap pissussaa pillugu isumaqatigiinniarnerni atsiugassanngornissaata tungaanut eqqumaffigissavarput, Lars Løkke Rasmussen erseqqissaavoq.