"Nammineq" qinersisartunut kajumissaarivoq

Namminersulivinnissamut suliniaqatigiiffik Nammineq, novemberip 15-iani qinersisoqalerpat pingaartitaminnik qinersisussanut kajumissaaripput.

Ilaatigut taakkartorneqarpoq, nalitsinni nunatta naalagaaffinngornissaa sukkanerpaamik anguneqassasoq.

Taamatuttaaq Namminerup ujartorpaa, nunaqavissut inuussutissarsiornikkut aallariarnissaannut pulammaanniarnerannik pitsaasunik ajornannginnerusumillu aaqqiiffigineqarnissaat pitsaanerusumillu tamatuma sinaakkusersorneqarnissaa.

Minnerunngitsumillu kalaallisuinnaq oqaasillit pitsaanerusumik sutigut tamatigut sullinneqarnissaat ujartorpaattaaq, tamanna sumiginnarneqarpallaartarsorigamikku.

Namminerup aamma tikkuartugaasa ilagaat, nunatta pisuussutaasa atorluarnerunissaannik innuttaasut pikkorinnerulertariaqarnerat.

Angorusutaasalu aamma ilagaat pisortat suliffiutaanni sulisut 2015-imi inuiaqatigiinni 35 procentiinnanngortinneqarnissaat.

Suliniaqatigiiffik Nammineq kommunit kattussuunnissaannut akillu assigiikkunnaarnissaannut tapersersuivoq.

Taamatuttaaq Suliniaqatigiiffik Nammineq erseqqissaavoq qineqqusaartut uanga tamaasa aaqqissavakkamik oqaluttut qinerneqarnissaannik innersuutinngikkitik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat