Evald Brønlund isumaqarpoq nannut illoqqortoormiit illoqarfianut qanillattortut aallaaneqartariaqartut akuersissutinik utaqqeqqaaraniAssi: Assi nammineq pigisaq/Privat foto

Nammineq piumassutsiminik Ittoqqortoormiini nannunik alapernaarsuisartoq: Nannut illoqarfimmut pisut aallaasartigit

Evald Brønlund piffissami nanoqarfiusumi nammineq kajumissutsiminik alapernaattarpoq. Taassuma nannut akuersissuteqarfigineqartigani aallaaneqaqqusaannginnerat qatsulluinnarpaa.

Ittoqqortoormiini taartalernerani nannut illoqarfimmut qanillattortarput aamma illoqarfimmi illut akornisigut ingerlaartarput

Ittoqqortoormeermeeq Evald Brønlund oqaluttuarpoq. Taanna soraarninngorsimasuuvoq, tamatumalu saniatigut nammineq kajumissutsiminik aallartitaqarsimalluni:

Taanna Ittoqqortoormiit eqqaani - ilaatigut piniarnermut nakkutilliisoq peqatigalugu - ullaakkut qaammannginnerani nannunut alapernaattarpoq.

Nannut aallaaneqarnissaannut malittarisassat

 

  • Ittoqqortoormiit aamma Tasiilap aqutsiveqarfiini juulip aallaqqaataaniit septembarip 30-at ilanngullugu nannut eqqissisimatitaapput.

  • Piaqqat arnaminnik pisariaqartitsisut arnavissallu ataatsimik arlalinnilluunniit piaqqisartut ukioq naallugu eqqissisimatitaapput.

  • Nannunik qammaaneq, ujaasineq, malersuineq allatulluunniit akornusersuinissaq inerteqqutaapput.

  • Taamaakkaluartorli piniarnermut aallaaniarnermullu malittarisassat malillugit imaluunniit nannunik sumiiffimmit qimaatitsiniarsarinermi nannunik ujaasisoqarsinnaallunilu malersuisoqarsinnaavoq.

  • Politiit, piniarnermik nakkutilliisut, kommunefogedit, inuilluunniit allat pisinnaatinneqartut nannunik sumiiffimmiit qimaatitsiniarlutik ungoorineranni akornusersornissaat inerteqqutaavoq.

  • Dronit nannunik filmiliornermut allatulluunniit malersuinermut atornissaat aamma inerteqqutaavoq.

- Ingammik ukiakkut taartalernerani ajornartorsiutaasarput, illoqarfimmut pulasut,. qaninngoortut , tassa ulorianarami tamakkua nannut, nalunngilagut qanoq ittuusut,  Evald Brønlund oqarpoq.

Soraarninngornermi kingorna nammineq piumassutsiminik suliaqartartoq 

- Biileqattaartarpunga ullaakkut qaammalernerani, nunaqqatikka illersorniarlugit aamma ukiukkut snescooterimik ullaaralaaq illoqarfimmi angalaartarpunga, ilaatigut nakkutilliisoq ilagalugu.

Evald Brønlund maanna soraarninngornikoq taama oqarpoq.

Svalbardimi angut nannumit saassunneqarluni aggustip naalernerani toqutaasoq, KNR-imi allaaseraarput. 

Aamma Canadami ataataasup meeqqani illersorniartillugit nannumik saassunneqarluni januarimi toqutaasoq, KNR-imi aamma allaaseraarput. 

AAMMA ATUARUK Angut tammaarsimaarfimmi nannumit saassunneqarluni toqutaasoq

Ittoqqortoormiormiut nannumik illoqarfimmut qanillattortumik naammattoorsigunik oqartussaasunut saaffiginneqqaarlutik toqunneqartarnissaanik malittarisassaq Evald Brønlandip allanngortikkusuppaa.

- Nannumik takuguma sianerfissarsioqqaartariaqassaanga, periarfissarlu taanna tulluanngilaq, Evald Brønlund oqarpoq.

Nanoq qanillattortoq qimaatinneqarpoq

Piffissami qanittumi nanoq Ittoqqortoormiit sissaanit qaqisoq naammattoorneqarpoq.

- Piffissami qanittumi ningaara panigalu angerlarsimaffimminni ullaakkut kaffessorlutik igalaakkut takulersimavaat nanoq sissamit qaqisoq, ingerlaannarlu ningaatta 4-hjulit atorlugit nanoq ornipallappaa, nanorlu containerit akornannut pivoq, ningaattalu nanoq seqqortaarfigalugu qimaatissimavaa, Evald Brønlund taama oqaluttuarpoq.

Nannut pingajoqqat inunnik ersiortitsillutik Qeqertarsuatsiaanut taassumalu eqqaannut sapaatit akunnerata matuma siuliani arlaleriarlutik qanillattormata, piniarnermut naalakkersuisoqarfimmit akuerineqartumik naggataatigut toqunneqarput.  

AAMMA ATUARUK Qeqertarsuatsiaat: Nannut toqunneqartut

Tassalu nannut eqqissisimatitaammata piniarnissaannut sukannersumik killilersuuteqarpoq. Taamaammallu ulorianartorsiornermi pisassiissutit saniatigut aatsaat nannuttoqarsinnaavoq.

Partii Naleqqap siunnersuutaa aggustip 17-ianni saqqummiunneqarpoq, nunaqarfimmi Qeqertarsuatsiaani nannut pingajoqqat, piaqqat marluk anaannaallu ulluni arlalinni nunaqarfiup eqqaani nunaqarfimmullu qanillattorneri sioqqullugit.

Pingajoqqat sapaatip akunnerani kingullermi ataasinngornermi siullermik takuneqarput tallimanngornermilu ullaakkut kommunefogedimit aallaaneqarlutik toqunneqarput

Kommunefoged piniartut politiit Naalakkersuisoqarfillu isumasioreerlugit nanoq anaanaq piaraalu toqunneqarput

- Naalakkersuisoqarfiup qujaffiginiarpai kommunefoged aamma piniartoq kiisalu nunaqarfimmi innuttaasut paasinnillutik naammagittarlutillu pimmata nannut qimaatinniarsarineqarnerini, Aalisarnermut Piniarnermullu Naalakkersuisoqarfik taama allappoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat