Nammineq kajumissutsimik suliaqartoq nersornaaserneqartoq: Marie Louise tatiginarlunilu tunniusimavoq
Nammineq kajumissutsimik suliaqarneq persuarsiutigineqartariaqarpoq.
Kalaallit Nunaanni Meeqqat Ikiortigit qanittumi nammineq kajumissutsimik sulinermik persuarsiutiginninnermik unnussiuaarnermi suleqataasunik persuarsiutiginneqqammertoq taama isumaqarpoq. Inullu ataaseq maluginiarneqarluarpoq: Tassa Nuummi immikkoortortaqarfimmit Marie Louise Brandt.
Taanna nammineq kajumissutsimik suliaqartuni ukioq manna nersornaaserneqarpoq.
Marie Louise Brandt Nuummi immikkoortortaqarfiup siulersuisuini ukiualunni suliaqarluarsimavoq. Taassuma nersornaaserneqarneranut atatillugu tatiginartutut inussiarnersutut, suliaminullu tunniusimasutut nassuiaatigineqarpoq.
- Nammineq kajumissutsimik suliaqartarneq tamaviaarnarsinnaasarlunilu ineriartornartuuvoq – inuiaqatigiillu tassuuna nukitorsarneqarsinnaasarput – misigissuseqarfiginerulerlugu pingaartillugu allanngueqataasinnaaneq – allammi inuunerinik pitsaaninngortitsisinnnaaneq isumalerujussuuvoq imartuujullunilu – ataqatigiinnermik pilersitsisarami ataatsimoornermilu peqataalersitsisarluni, Kalaallit Nunaanni Meeqqat Ikiortigit siulittaasua, Jonna Ketwa oqaluaammini oqarpoq.
Nersornaaserneqartorli nuannaartoq illoqarfimmiinnginnini pissutigalugu nammineq kajumissutsimik suliaqarnerup persuarsiutigineqarnerani najuutinngilaq, taamaammat immikkoortortami siulittaasup, Lars Peter Danielsenip nersornaat taanna sinnerlugu tiguaa.
