Nammineq film-iliatsinnik nunarsuarmut saqqumiisarnisssaq pingaaruteqarpoq

Nunarput pillugu nammineq filmiliatsinnik nunarsuarmut saqqummiisarnissaq pingaaruteqarpoq, taama isumaqarpoq Iisaaq Kleist pinngortitaq pillugu filmiliornerminut tapiissutiseqammersoq.

Danmarki avatangiisit pillugit aqutsisoqarfimmiit Iisaaq Kleist 213.000 koruuninik tapiissutisivoq, filmiliaminik inaarinissaminut atugassaminik, taamaalillunilu filmip suliarinera naammassiguni 1,3 million koruuninik akeqassaaq. Filmiliornermullu aningaasaliisutigineqartartut malillugit filmi akikinaarneqarpoq.

- Nunatsinni filmiliorniarluni ajornakusoortorujussuuvoq, taperneqarnissaarukkama Danmarkimut nuuppunga, maannalu tassa filmip inaarsarnissaanut akissaqalerpunga, filmiliortartoq, tusagassiortorlu Iisaaq Kleist taama oqarpoq.

Filmimi iigartartut marluk takuneqarsinnaassapput, uumasut eqqaani najugallit, kiisalu qanoq nunatsinnut iigartartut pingaaruteqartiginerat takutinneqassaaq.

Augusti naappat filmi naammassissasoq naatsorsuutigineqarpoq.