Issittumi ilisimasassarsiornermut Danmarkimi naalakkersuisut aningaasaleeqqinniarunanngillat. Folketingimi ammaanersiornermi ippasasq tamanna paasinarsivoq.
IA sinnerlugu Folketingimut ilaasortap, Kuupik Kleistip, oqaaseqarnermini unnersuusutigaa, Issittup nunarsuaq tamakkerlugu ukioq 2007-imi 2008-imilu ukioritinneqarnissaani suliassanut assigiinngitsunut 100 millioni koruunit Danmarkimi aningaasanut inatsisissami immikkoortinneqassasut.
Ministeriunerli Anders Fogh Rasmussen akivoq, Namminersornerullutik Oqartussat namminneq tamatumunnga aningaasaliisariaqartut:
Bloktilskud-i aqquitigalugu Danmark aningaasaliisarpoq. Namminersornerullutillu oqartussat ilinniartitaaneq tigummisarivaat, taamaammat ilisimatusarnermut tunngatillugu aningaasartuutit namminersornerulltuik oqartussat aningaasalersortussaavaat, Anders Fogh Rasmussen oqarpoq.