Nunatta Ammeriviata Namminersornerullutik Oqartussanit tapiissutitaqanngitsumik ukiup sinnerani nammineerluni piniartut akilerniarpai, tapiissutit nungummata. Ammeriviup taamatut akiliinissani nammineerluni aalajangiuppaa. Ammeriviup pisortaa Michael Nielsen aperaarput taamatut iliuuseqarnissaq sooq toqqarsimaneraat.
- Taamaaliorniarpugut Namminersornerullutik Oqartussat oqaloqatigerusukkatsigik, taamaalilluta amminik tunisinermi ukiut tamaasa decembarimi ajornartorsiutaasartoq pinngitsoortikkusukkatsigu. Oqaloqatiginnikkusupput tunisinermi tamanna piniartunut ajornartorsiutaajunnaarniassammat, Michael Nielsen oqarpoq.
- Erseqqissaatigissavara Nunatta Ammerivia tapiissutisineq ajormat. Tapiiffigineqartartut tassaapput piniartut, tapiissutillu taakkua uatsinnut attoqqusaanngillat.
- Maanna aaqqiigallarnermut qanoq aningaasartuuteqassanerluta naluarput, sila aamma ammit tunineqartut amerlassusaat apeqqutaajumaarput, immaqa 1 millioni koruunit missaat aningaasartuutigissavavut, Michael Nielsen oqarpoq.
