Nammineerluni nalunaarsuiffissarititaq kinguartittoq
Akileraarutinut 2015-imut nammineerluni nalunaarsuiffiup tunniunnissaanut ippassaq periarfissaq kingulliuvoq.
Allattoq Karsten Sommer
Nutserisoq Erna Lynge
Akileraartarnermulli Aqutsisoqarfik nalunaarpoq, teknikikkut atortorissaarutitik sapaammi maajip aallaqqaataani ajoquteqarsimasut.
Tamatuma kinguneranik Aqutsisoqarfiup nittartagai aka.gl aamma sullissivik.gl iserfigineqarsinnaasimanngillat.
Teknikkikkulli ajornartorsiutit maanna aaqqinneqareerput, sullissiviillu atorneqaqqissinnaalerlutik.
Akileraartarnermut Aqutsisoqarfik nalunaarpoq ukiumut akileraarfiusumut 2015-imut nalunaarsukkat maanna kingusinnerpaamik aqagumut marlunngornermi maajip pingajuanni nalunaaqutaq 23:59-imut killilerneqarsimasoq.