NAMMCO ukiunik 25-nngortorsiortoq

NAMMCO-p ukiunik 25-inngortorsiornini pingasunngornermi sisamanngornermilu nalliuttorsiutigissavaa. Atlantikup avannaani immami miluumasut pillugit ataatsimiittartoqatigiit nalliuttorsiorneq Nuummi Hotel Hans Egedemi malunnartinniarpaa.
Assi © : IFAWA/Flickr Creative Commons
Allattoq Inge S. Rasmussen
apriilip 05-at 2017 06:34
Nutserisoq Simon Uldum -

 
Atlantikup avannaata imartaani uumasunik piujuaannartitsinissamik tunngaveqarluni aqutsineq pillugu NAMMCO-p ilaasortani ukiut ingerlanerini siunnersortarpai.

Taamatullu suliaqarneq ilaatigut piniariaatsit pitsanngorsarneqarnerinik uumasoqatigiillu nalilersuiffigisarnerisigut siuariartoqarneranik kinguneqarpoq, tamatumalu malitsigisaanik immami miluumasut assigiinngitsut aamma amerliartulersimallutik, NAMMCO nalliuttorsiornerminut atatillugu tusagassiorfinnut nalunaarutimini taama allappoq.
 
Silap pissusiata avatangiisillu allanngoriartornerannut tunngatillugu immami miluumasut nerisassaqarniarnikkut pisuussutitut periarfissaasinnaanerat ataatsimiittartoqatigiit nalunaarusiami nutaami misissuiffigisimavaat.
 
NAMMCO-p EU-p puisit amiinik eqqusseqqusiunnaarnerata, naggueqatigiit Inuit tamatumani ilaatinneqanngikkaluartut, ajornartorsiutinik pilersitsisimanera nalunaarusiamini aamma sammivaa.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq