Naluttarfik Malik atugaalluartoq
Suliniutit pissanganartut sammineqarsinaassullu nutaat pissutigalugit naluttarfimmukartut ukiup siulianit amerlanerusut naluttarfimmiipput.
2015-imi meeqqat 15.000-it naluttarfimmut Malik-mut nalukkiarput, siorna marloriaatingaajaat tassalu 29.000-it naluttarfimmut nalukkkiarlutik.
Naluttarfimmukartartut siorna amerleriarujussuarnerannut pissuttaasunut ilaavoq, meeqqat akeqanngitsumik ullut tamaasa naluttarfimmukarsinnaanerat kommunemit ammaanneqarmat.
Inersimasut naluttarfimmukartartut amerleriarsimanerat aamma takussutissaqarpoq.
Ukioq 2015-mi inersimasut 17.000-it nalutarfimmut Malikmut iserputm ukiup tulliani 2016-mi 22.000-nut amerliarlutik.
Agguaqatigiissillugu naluttarfimmut Malik mut ullormut isertartut 265-iupput, tassani ilannguneqarput atuartut nalunnguariartarnerat, peqatigiiffiit nalunnguarnermik aallutaqartut aamma saunariartartut.
Nuannaarutigeqaarput kisitsitigut uppernarsaatit takugatsigit”, taama oqarpoq naluttarfimmi pisortaq Poul Petersen. ”Nalusimanngilarput ukiup ingerlanerani naluttarfimmut isertartut amerlatsissimanerat, kisiat nuanneqaaq suliagut neqeroorutillu innuttaasunit nuannarineqarmata. Ukiumi 2017-mi innarluutillit aammalu utoqqaat annerusumik sammineqassapput eqqumaffigineqarlutillu” Naluttarfimmi Malik mi pisortaq Poul Petersen tusagassiuutinut nalunaarummi aamma oqarpoq.