Nalussinnaanerata annaakkaa
septembarip 04-at 2006 13:58
Angut Sisimiuneersoq nalussinnaagallartilluni annaqqarsimavoq, Sisimiut eqqaani umiatsiartilluni ikkarlummut aporsimavoq imaanullu nakkarami nunap tungaanut 100 meterisut takitigisumik naluttariaqasimavoq.
Angut nammineerluni angerlamut apuussimavoq, maannalu ajunngitsoq politiiniit oqaatigineqarpoq, umiatsianittaaq annaasimanngilaa, taanna inuttaqarani imaani tissukartoq politiinit nassaarineqarpoq.
