Nalunaq ammaqqingajalerpoq
Angel Miningimi qaarusoqarfimmut pisortaq Tim Daffern qimutsuitsumik
Tuluit Nunaanni Cornwallimut ingerlaartoq oqaloqatigaarput:
”Ilumoorpoq, maannamut Nanortalimmiit arnat marluk nerisassiorfimmi eqqiaasarfimmilu sulisussat atorfinitsereerpavut, neriuutigaarpullu Inuilimi ilinniartut arlallit oktobarip naalernerani sungiusartorilersinnaassallutigik
oktobarillu qeqqaniit Nanortalimmi, Qaqortumi Narsamilu qaarusummi sulisoriligassatsinnik apersueqattaarluta aallartissaagut, taakkualu
novemberimi, decembarimi januaarimilu sulilernissaat neriuutigaarput.
Taamaasillutalu anguniarparput februaarip naalernerani inuit 60-it missaat sulisorilersimanissaat. Taakkunannga 40-45-t missaat nunaqavissuussallutik.
Aatsitassat pillugit pisortaqarfimmi pisortap, Jørgen Skov Nielsenip, uppernarsarpaa kuultisiorfik Nalunaq Angel Mining A/S-ip
pisiarisimagaa:
Qinnuteqaat taanna naalakkersuinikkut aatsitassat pillugit siunnersuisoqatigiinni, Nunatsinni Naalakkersuisunit Danmarkimilu naalakkersuisunit suliarineqareerpoq akuerineqareerlunilu.”
Angel Mining A/S-ip kuultip qaarsumiit immikoortinnissaata
qaarusummi suliarineqartalernissaanut akuersissummik qinnu-
teqaataa Aatsitassat pillugit kalaallit danskillu siunnersuisoqatigiit naggataarutaasumik decembarimi ataatsimiinnisaanni oqaluuserineqartusaavoq.
Jørgen Skov Nielsen ima oqarpoq:
Angel Miningikkut gultimik nioqqutissiornermik qanorlu
nioqqutissiornerup ingerlanneqarnissaanik qinnuteqaataat
maanna suliarineqarpoq, Aatsitassallu pillugit siunnersuisooqatigiinni decembarimi isummerfigineqassaaq, kingornalu Namminersorlutik Naalakkersuisunit Danskillu Naalakkersuisunit akuerineqaqqaartussaavoq.
Kommune Kujallermi suliffissaaleqineq aggustip naanerani 7 procentiuvoq. Suliffissaaleqisutut nalunaarsimasut 341-ruullutik.