Nalunami guultisiorfik aningaasatigut ajornartorsiorpoq

Nalunami guultisiorfik aningaasatigut ajornartorsiulermat, guultisiorfimmik Nalunamik piginneqataallutik aningaasaleeqataasimasut norgemiunit canadamiunillu pigineqartoq, Crew, Nuna Minerals-mut kajumissaaripput, piginneqataanitik tuniniaqqullugit.

Aviisi Berlingske Tidende ullumikkut allappoq Nalunamik piginneqataasut akornanni sakkortuumik assortuuttoqartoq, piginneqataasullu aappaata Crew-ip Namminersornerullutik Oqartussat kajumissaarpai piginneqataanerminnit peeqqullugit.

Piginneqataasoq Crew oqarpoq, Nalunamik piginninneq tamakkiisumik tigussallugu piareersimalluni. Piginneqatigiit akornanni isumaqatigiinngilerneq aallartippoq, guultisiorfik aningaasatigut ajornartorsiuteqartoq paasineqarmat. Nuna Minerals-ip ernummatigaa, aningaasat kaaviaartitat 16 millioni koruuniusut annaaneqarsimanissaat. Nuna Minerals-ilu kisimiilluni aalajangersimavoq guultisiorfimmi Nalunami iluanaarutaasup naaleerutsinneqarnissaa.

- Taamatut nalunaaruteqartoqarnea eqqumiitsorujussuuvoq. Nuna Minerals isumaqaruni guultisiorfik naleqanngitsoq, taava uagut piareersimavugut piginneqataanerannit peersillugit kuultisiorfiup Nalunap tamakkiisumik pigilernissaa.

Allaffissornikkut pisortaq Jan Vestum oqarpoq.

Piginneqataasut tamarmik oqaatigiumanngilaat guultisiorfimmik ingerlatsinermi aningaasat qanoq amerlatigisut ukiup ataatsip ingerlanerani annaaneqarsimassanersut. Aviisip Berlingske Tidende-p paasisimasai malissagaanni, 70-80 millioni koruunit akornanni nalillit annaaneqarsimassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat