Nalunaarut pinerluuteqarsimanertut suliarineqassaaq

Attartortumiit piginnittumut aaqqissuussineq pillugu naalakkersuisut politiinut suliassiissutaat politimesterip Steen Thomsenip tigusimallugu radioaviisimut uppernarsarpaa.
apriilip 28-at 2008 12:39

Suliassaq naalakkersuisut siulittaasuannit politimestereqarfimmut tunniunneqarpoq. Suliassaq pinerluuteqarsimanertut suliarineqassaaq, inuillu suliamik misissuisussat sapaatip akunnerata tulliani katersorneqassapput, tassanngaaniillu misissuineq aallartinneqassasoq politimester Steen Thomsen oqarpoq. Suliassiissut qanorpiaq imaqarnersoq politimesterip oqaatigisinnaannginnerarpaa.