Nalunaarut nunaqarfiit peqatigiiffiannit iluarineqarpoq
Nunaqarfimmiut ilinniariartorlutik aallartarnerat nunaqarfinni innuttaasut ikiliartornerannut pissutaaqataasoq nunaqarfiit peqatigiiffiisa kattuffianni siulittaasoq Jens Kristian Therkildsen oqarpoq.
- Nunaqarfimmiut ilinniartitaanissamik pingaartitsinerat alliartorpoq, tamannalu nunaqarfiit inukilliartuinnarnerannut peqqutaaqataasinnaalluarluni, Jens Kristian Therkildsen oqarpoq.
Nunaqarfinni ilinniartitsisut amigaataanerat alimasissumik ilinniartitsisarnikkut qaangerneqarsinnaasoq, Jens Kristian Therkildsen isumaqarpoq.
- Nunaqarfinni ilinniarsimasunik ilinniartitsisoqarniarneq naammaginanngitsumik inissisimavoq, tamannalu ukiuni arlalinni atuunnikuulluni. Iliniartitsisoqarniarneq iluarsineqassappat minerunngitsumillu atuartut karakteerii qaffassarneqassappata alimasissumik atuartitsineq avaqqunneqarsinnaanngitsoq isumaqarpunga, Jens Kristian Therkeldsen oqarpoq.
Nunaqarfiit pillugit nalunaarut tamakkiisoq Naalakkersuisut Siulittaasuata Kuupik Kleistip ippassaq saqqummiussaa qallunaatuinnaq saqqummerpoq, kalaallisut nutserneqarnera suli naammassinngimmmat.
