Silap pissusiata allanngoriartornera akiorniarlugu maannangaaq aningaasaliinerunngikkutta tamanna siunissami nunarsuarmioqatigiinnut aningaasarsiornermullu kinguneqarnerlussaaq.Assi: Andrew Caballero-Reynolds/AFP/Ritzau Scanpix

Nalunaarusiaq: Silap pissusiata allanngoriartorneranut annertuumik aningaasaliisoqartariaqarpoq

Silap pissusiata allanngoriartornera akiorniarlugu maannangaaq aningaasaliinerunngikkutta tamanna siunissami nunarsuarmioqatigiinnut aningaasarsiornermullu kinguneqarnerlussaaq.

Silap pissusiata allanngoriartorneranut naleqqussarnissaq pillugu nunarsuaq tamakkerlugu ataatsimiititaliarsuup nalunaarusiaani nutaami, silap pissusia pillugu New Yorkimi qaammatip massuma ingerlanerani ataatsimeersuarnissaq sioqqullugu tamanna inerniliuppaa.

- Silap pissusiata allanngoriartornerata akiorniarneqarnissaa iluatsissagutsigu uagut tassaavugut kinguaariit kingulliit taamaaliorsinnaasut, uagullu aamma tassaavugut kinguaariit siulliit silap pissusiata allanngoriartornerata malitsigisaanik maluginnittussat, Naalagaaffiit Peqatigiit qullersarisimasaat Ban Ki-moon oqarpoq. Nutaarsiassaqartitsivik AFP taama allaaserisaqarpoq.

Silap pissusiata allanngoriartornerata akiorniarneqarnissaa pillugu ataatsimiititaliarsuarmut taanna ilaasortaavoq. Microsoftip tunngaviliisua Bill Gates, nunallu tamalaat aningaaserivissuata pisortaa Kristalina Georgieva aamma ilaasortaapput.

Silap pissusiata allanngoriartornerata sunniuteqaataasa akornanni ajornerit akiorniassagutsigit aningaasat 1800 milliardit dollarit, tassa 12.164 milliardit koruunit, ukiut qulit tulliuttut ingerlaneranni atorneqartariaqassasut, nalunaarusiami allaaserineqarpoq.

Aningaasarpassuit taakku kalerrisaarutinut assigiinngitsunut, nunat atortulersugaaneri silap pissusiata allanngoriartorneranut isumannaallisakkanut, sinerissat nakkutigineqarnissaannut isumannaallisarneqarnissaannullu, isumannaannerusumillu nunaateqarnernut, imermillu pilersuinermut pitsaanerusumut atorneqassapput.

Iliuuseqartoqanngippat piitsuunerulertoqassasoq

2030-iutinnagu iliuuseqartoqanngippat nunani ineriartortuni innuttaasut 100 millionit piitsuunerulernissaanik malitseqassaaq, nalunaarusiami allassimavoq.

Tamanna akerleriissutinik amerlanerusunik kaannersuaqarnernillu amerlanernik aamma malitseqassaaq.

Nalunaarusiap Danmarkimi naalakkersuisunit atuarneqarnissaa, ikiuiniaqatigiiffiup Folkekirkens Nødhjælpip qullersaata Birgitte Qvist Sørensenip kaammattuutigaa, aningaasanut inatsisissatut siunnersuutip oqaluuserineqarneranut atatillugu ilaatigut tunngaviliisuusinnaanissaa kaammattuutigalugu:

- Nunat ineriartortut silap pissusiata allangoriartorneranut piareersimanissaat eqqarsaatigalugu tamanna pingaaruteqarpoq, Danmarkilu tamanna pillugu ikiorsiissutinik amerlanerusunik aningaasaleeqataanerusariaqarpoq, Birgitte Qvist Sørensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat